Kecha “Suonsi”ni mag‘lubiyatga uchratgan Maurisio Pochettino shogirdlari “Tottenhem” Angliya kubogining dastlabki yarim finalchisiga aylangan edi. Tunda bo‘lib o‘tgan “Manchester Yunayted” — “Brayton” uchrashuvida esa ikkinchi yarim finalchi nomi ham ma’lum bo‘ldi.
O‘yinda Joze Mourinyo shogirdlari 2 ta to‘p farqi bilan g‘alaba qozonishga erishdi. Gollar Romelu Lukaku hamda Nemanya Matich tomonidan kiritildi. Shu tariqa YeChLda “Sevilya”dan mag‘lub bo‘lib, musobaqa bilan xayrlashgan “mankunian”lar Angliya kubogining yarim finaliga chiqishni uddaladi.
Angliya kubogi
1/4 final bellashuvi
17-mart, shanba
“Manchester Yunayted” — “Brayton” 2:0
Gollar: 1:0 – 37 Romelu Lukaku. 2:0 — 83 Nemanya Matich.Bugun yarim finalning yana ikki ishtirokchisi aniqlanadigan bahslar bo‘lib o‘tishi rejalashtirilgan. Unda “Uigan” va “Sautgempton”, shuningdek, “Lester” — “Chelsi” juftliklari Angliya kubogi yarim finali yo‘llanmasi uchun bahs olib boradi.
Angliya kubogi
1/4 final bellashuvlari
18-mart, yakshanba
Izoh (0)