Toshkent shahrining Sergeli tumanida 10-mart kuni soat 04:00 atrofida 4 nafar noma’lum shaxs yuziga niqob taqqan holda M.Saidovaning uyiga bostirib kirdi. Bu haqda IIV jamoatchilik va OAV bilan aloqalar boshqarmasi ma’lum qildi.
Bosqinchilar ayolni urib, jarohat yetkazib, pullari hamda ikki mobil telefonini olib, voqea joyidan yashirindi.
Ko‘rilgan choralar natijasida ushbu jinoyatni Surxondaryo viloyati, Sherobod tumanida yashovchi, 1996-yilda tug‘ilgan D.Abduvaitov, Sariosiyo tumanida yashovchi, 1997-yilda tug‘ilgan A.Ashuraliyev va 1989-yilda tug‘ilgan T.Nazarova, Andijon viloyati, Oltinko‘l tumanida ro‘yxatda turib, vaqtincha Sergeli tumanida yashovchi, 1988-yilda tug‘ilgan B.Begmuratov sodir etgani aniqlandi.
Bosqinchilar qo‘lga olindi.
Izoh (0)