O‘zbekistonning Janubiy Koreyadagi elchixonasi faxriy konsuli, Evergreen Motors Group raisi Kim Chang Kyon boshchiligidagi koreys ishbilarmonlari tashrifi doirasida 7—8-mart kunlari Toshkentda O‘zbekiston—Janubiy Koreya biznes-forumi bo‘lib o‘tdi. Bu haqda O‘zbekiston Maktabgacha ta’lim vazirligi matbuot xizmati xabar bermoqda.
8-mart kuni O‘zbekiston maktabgacha ta’lim vaziri Agrepina Shin mehmonlarninng bir guruhi bilan, jumladan,
- Sidjon universiteti vitse-raisi va bosh direktori Djun Xo Park,
- New Millennium Construction prezidenti Xe Su Djeng,
- ushbu kompaniya bosh direktori Chay Chun In,
- Play Time kompaniyasi raisi va bosh direktori Kyung Sik Chun,
- Evergreen Motors Group direktori Yun Cheol Kim,
- “Fordifreym” kompaniyasi bosh direktori Iris Yang,
- ATTOCUBE kompaniyasi vakili Etan Xan
Xabar berishlaricha, mazkur uchrashuvlarda O‘zbekiston Bandlik va mehnat munosabatlari vaziri maslahatchisi Yun Se Kim va O‘zbekiston Sog‘liqni saqlash vaziri maslahatchisi Yun Tek Rim ham ishtirok etgan.
Tomonlar O‘zbekiston maktabgacha ta’lim tizimining asosiy yo‘nalishlari, ushbu sohada amalga oshirilayotgan ishlarni muhokama qilgan, tizimni rivojlantirish sohasidagi ikki tomonlama hamkorlik istiqbollari ko‘rib chiqilgan.
Uchrashuv yakunlari bo‘yicha O‘zbekiston Maktabgacha ta’lim vazirligi va Janubiy Koreyaning Sidjon universiteti, New Millennium Construction va ATTOCUBE kompaniyalari o‘rtasida o‘zaro anglashuv memorandumi, “Fordifreym” kompaniyasi bilan hamkorlik to‘g‘risidagi bitim imzolangan.
Izoh (0)