Yorqin Tursunov hukumat qaroriga asosan Moliya vazirligi huzuridagi budjetdan tashqari Pensiya jamg‘armasining ijro etuvchi direktori etib tayinlandi. Bu haqda Adliya vazirligining Telegram’dagi “Huquqiy axborot” kanalida xabar qilindi.
Ushbu lavozimga tayinlanishidan oldin Yorqin Tursunov Moliya vazirining o‘rinbosari lavozimida faoliyat olib borgan.
Bunga qadar Pensiya jamg‘armasining ijrochi direktori lavozimini Dilshod Sultonov egallab kelayotgan edi.
Moliya vazirligi huzuridagi budjetdan tashqari Pensiya jamg‘armasi qonun hujjatlarida belgilangan tartibda fuqarolarning davlat pensiya ta’minotini tashkil etish, fuqarolarga pensiyalar, ijtimoiy nafaqalar, kompensatsiya to’lovlari va boshqa to’lovlarni tayinlash, pensiyalar va boshqa to’lovlar miqdorlarining qayta hisoblab chiqilishini taʼminlash bilan shug‘ullanadi.
Izoh (0)