Ўзбекистоннинг Жанубий Кореядаги элчихонаси фахрий консули, Evergreen Motors Group раиси Ким Чанг Кён бошчилигидаги корейс ишбилармонлари ташрифи доирасида 7—8 март кунлари Тошкентда Ўзбекистон—Жанубий Корея бизнес-форуми бўлиб ўтди. Бу ҳақда Ўзбекистон Мактабгача таълим вазирлиги матбуот хизмати хабар бермоқда.
8 март куни Ўзбекистон мактабгача таълим вазири Агрепина Шин меҳмонларниннг бир гуруҳи билан, жумладан,
- Сиджон университети вице-раиси ва бош директори Джун Хо Парк,
- New Millennium Construction президенти Хе Су Дженг,
- ушбу компания бош директори Чай Чун Ин,
- Play Time компанияси раиси ва бош директори Кюнг Сик Чун,
- Evergreen Motors Group директори Юн Чеол Ким,
- «Fordифрейм» компанияси бош директори Ирис Янг,
- ATTOCUBE компанияси вакили Этан Хан
Хабар беришларича, мазкур учрашувларда Ўзбекистон Бандлик ва меҳнат муносабатлари вазири маслаҳатчиси Юн Се Ким ва Ўзбекистон Соғлиқни сақлаш вазири маслаҳатчиси Юн Тек Рим ҳам иштирок этган.
Томонлар Ўзбекистон мактабгача таълим тизимининг асосий йўналишлари, ушбу соҳада амалга оширилаётган ишларни муҳокама қилган, тизимни ривожлантириш соҳасидаги икки томонлама ҳамкорлик истиқболлари кўриб чиқилган.
Учрашув якунлари бўйича Ўзбекистон Мактабгача таълим вазирлиги ва Жанубий Кореянинг Сиджон университети, New Millennium Construction ва ATTOCUBE компаниялари ўртасида ўзаро англашув меморандуми, «Fordифрейм» компанияси билан ҳамкорлик тўғрисидаги битим имзоланган.
Изоҳ (0)