Nigeriyada Lassa bezgagi avj olishi oqibatida 78 kishi qurbon bo‘ldi. Bu haqda 7-mart kuni CNN telekanali ma’lum qildi, deb yozadi “Interfaks”.
Xabar berilgan vaqtda Lassa bezgagini yuqtirib olishning 353 holati tasdiqlangan, 766 kishida xastalikka chalinganlik gumon qilingan.
Yana 3 126 kishi kasallikni yuqtirib olganlar bilan aloqada bo‘lganligi uchun kuzatuv ostida ekanligi ma’lum qilindi.
Lassa bezgagi ko‘proq Markaziy va G‘arbiy Afrika mamlakatlarida (Nigeriya, Liberiya, Syerra-Leone, Gvineya, Mozambik, Senegal, Mali va boshqalar) uchraydi. Unga qarshi hozircha vaksinalar mavjud emas.
Izoh (0)