Нигерияда Ласса безгаги авж олиши оқибатида 78 киши қурбон бўлди. Бу ҳақда 7 март куни CNN телеканали маълум қилди, деб ёзади «Интерфакс».
Хабар берилган вақтда Ласса безгагини юқтириб олишнинг 353 ҳолати тасдиқланган, 766 кишида хасталикка чалинганлик гумон қилинган.
Яна 3 126 киши касалликни юқтириб олганлар билан алоқада бўлганлиги учун кузатув остида эканлиги маълум қилинди.
Ласса безгаги кўпроқ Марказий ва Ғарбий Африка мамлакатларида (Нигерия, Либерия, Сьерра-Леоне, Гвинея, Мозамбик, Сенегал, Мали ва бошқалар) учрайди. Унга қарши ҳозирча вакциналар мавжуд эмас.
Изоҳ (0)