BMT Xavfsizlik kengashi 24-fevral, shanbada bir necha kun davom etgan muzokaralardan so‘ng aholiga gumanitar yordam ko‘rsatish uchun Suriyadagi jangovar harakatlarni zudlik bilan to‘xtatish haqidagi rezolyutsiyani ma’qulladi. Bu haqda “TASS” xabar bermoqda.
Hujjat aksilterror operatsiyalariga barham berilishini ko‘zda tutmaydi. O‘t ochishni to‘xtatish haqida esa mojaro tomonlari o‘zlari kelishib olishi taxmin qilinmoqda. Bunda ularga ta’sir ko‘rsatishi mumkin bo‘lgan davlatlar muhim rol o‘ynashi kutilmoqda.
Xavfsizlik kengashining doimiy bo‘lmagan a’zolari Kuvayt va Shvetsiya mazkur rezolyutsiyani fevral oyi avalida tayyorlashni boshlagandi. Bunga BMTning aholi, xususan, qamal qilingan va yetib borish qiyin bo‘lgan hududlardagi fuqarolarga gumanitar yordam yetkazish uchun 30 kunlik sulh e’lon qilish haqidagi da’vati turtki bo‘ldi.
Izoh (0)