Advokatlar palatasi Samarqand viloyat hududiy boshqarmasi tashabbusi bilan viloyat adliya boshqarmasida “Turizmni rivojlantirish sohasida advokaturaning yuridik yordam ko‘rsatishdagi roli” mavzusida davra suhbati tashkil etildi. Bu haqda “Zarafshon” nashri xabar bermoqda.
Unda turizm sohasida faoliyat yuritayotgan tadbirkorlar duch kelayotgan muammolar va ularni bartaraf etish masalalari muhokama etildi.
— Bugungi kunda viloyatda sayyohlarga xizmat ko‘rsatuvchi 163 ta subyekt bo‘lib, ulardan 107 tasi mehmonxona va 56 tasi sayyohlik firmasi, — deydi Advokatlar palatasi viloyat hududiy boshqarmasi boshlig‘i O. Axtamov. — Ularning faoliyatida uchrayotgan muammolarni hal etish jarayonida huquqiy yordam berishda advokatura muhim o‘rin tutadi. Shu jihatni inobatga olib, viloyatda faoliyat ko‘rsatayotgan advokatlar sayyohlik firmalariga turizm bilan bog‘liq masalalarda bir yil bepul huquqiy maslahat berish tashabbusi bilan chiqdi.
Davra suhbatida bu tashabbus qo‘llab-quvvatlandi.
Izoh (0)