Meksikaning Xalisko shtatida Tekalitlan tumani politsiyachilaridan to‘rt nafari uch nafar Italiya fuqarosini o‘g‘irlaganlikda gumon qilinib, ushlandi. Bu haqda hudud bosh prokurori Raul Sanchesning so‘zlariga asoslanib, “Vesti.ru” xabar bermoqda.
Sanchesning ta’kidlashicha, politsiyachilar italiyaliklarni uyushgan jinoiy guruhga topshirganini tan olgan. Italiyaliklar joriy yilning yanvar oyi oxirida Xalisko shtatida yo‘qolib qolgan edi.
Agar sud gumondorlarning aybdorligini isbotlay olsa, politsiyachilar 40 yildan 60 yilgacha ozodlikdan mahrum etilishi mumkin.
Yo‘qolgan italiyalik fuqarolarning hozirgi taqdiri noma’lum. Sanchesning aytishicha, ularni qidirish ishlari davom ettiriladi.
Izoh (0)