Мексиканинг Халиско штатида Текалитлан тумани полициячиларидан тўрт нафари уч нафар Италия фуқаросини ўғирлаганликда гумон қилиниб, ушланди. Бу ҳақда ҳудуд бош прокурори Рауль Санчеснинг сўзларига асосланиб, «Вести.ru» хабар бермоқда.
Санчеснинг таъкидлашича, полициячилар италияликларни уюшган жиноий гуруҳга топширганини тан олган. Италияликлар жорий йилнинг январь ойи охирида Халиско штатида йўқолиб қолган эди.
Агар суд гумондорларнинг айбдорлигини исботлай олса, полициячилар 40 йилдан 60 йилгача озодликдан маҳрум этилиши мумкин.
Йўқолган италиялик фуқароларнинг ҳозирги тақдири номаълум. Санчеснинг айтишича, уларни қидириш ишлари давом эттирилади.
Изоҳ (0)