Favqulodda vaziyatlar vazirligi joriy yilning 20-fevralidan 23-fevraligacha “Boshqaruv organlari, FVDT hududiy va funksional quyi tizimlarining tabiiy va texnogen xususiyatli favqulodda vaziyatlar oqibatlarini bartaraf etish bo‘yicha harakatlari” mavzusida qo‘mondonlik shtab o‘quv mashqlarini o‘tkazmoqda. Bu haqda vazirlik matbuot xizmati xabar berdi.
Mashqlar Qoraqalpog‘iston respublikasining Amudaryo va To‘rtko‘l tumanlarida, shuningdek, Samarqand viloyatining Narpay tumani, Qashqadaryo viloyatining Qarshi tumanida o‘tkazilmoqda.
O‘quv mashqlarining maqsadlari quyidagilar :
- Tuman aloqa va markazlashtirilgan xabar berish tizimini ishonchli va barqaror ishlashini amalda tekshirish;
- Tuman FVDT quyi tizimining boshqaruv organlari, kuch va vositalarini favqulodda vaziyatlar sodir bo‘lganda funksional vazifalarini bajarish darajasini aniqlash;
- Tuman FVDT funksional va hududiy quyi tizimlari boshqaruv organlari faoliyatini hamda kuch va vositalarining shayligini takomillashtirish, aholini favqulodda vaziyatlarda to‘g‘ri harakat qilishga o‘rgatish;
- Favqulodda vaziyatlar sodir bo‘lgan hududdan jabrlangan aholini evakuatsiya qilish, tibbiy yordam ko‘rsatish, ularning hayot maromini ta’minlovchi zaruriy shart-sharoitlarni yaratish, shuningdek, qutqaruv va boshqa kechiktirib bo‘lmaydigan ishlarni olib borishda moddiy-texnik ta’minot masalalarini hal etish;
- Yuzaga kelishi mumkin bo‘lgan tabiiy va texnogen xususiyatli favqulodda vaziyatlar oqibatlarini bartaraf etishda FVDT xizmatlarining hamkorlikdagi harakatlarini takomillashtirish hamda muvofiqlashtirish.
Izoh (0)