Фавқулодда вазиятлар вазирлиги жорий йилнинг 20 февралидан 23 февралигача «Бошқарув органлари, ФВДТ ҳудудий ва функсионал қуйи тизимларининг табиий ва техноген хусусиятли фавқулодда вазиятлар оқибатларини бартараф этиш бўйича ҳаракатлари» мавзусида қўмондонлик штаб ўқув машқларини ўтказмоқда. Бу ҳақда вазирлик матбуот хизмати хабар берди.
Машқлар Қорақалпоғистон республикасининг Амударё ва Тўрткўл туманларида, шунингдек, Самарқанд вилоятининг Нарпай тумани, Қашқадарё вилоятининг Қарши туманида ўтказилмоқда.
Ўқув машқларининг мақсадлари қуйидагилар :
- Туман алоқа ва марказлаштирилган хабар бериш тизимини ишончли ва барқарор ишлашини амалда текшириш;
- Туман ФВДТ қуйи тизимининг бошқарув органлари, куч ва воситаларини фавқулодда вазиятлар содир бўлганда функционал вазифаларини бажариш даражасини аниқлаш;
- Туман ФВДТ функционал ва ҳудудий қуйи тизимлари бошқарув органлари фаолиятини ҳамда куч ва воситаларининг шайлигини такомиллаштириш, аҳолини фавқулодда вазиятларда тўғри ҳаракат қилишга ўргатиш;
- Фавқулодда вазиятлар содир бўлган ҳудуддан жабрланган аҳолини эвакуация қилиш, тиббий ёрдам кўрсатиш, уларнинг ҳаёт маромини таъминловчи зарурий шарт-шароитларни яратиш, шунингдек, қутқарув ва бошқа кечиктириб бўлмайдиган ишларни олиб боришда моддий-техник таъминот масалаларини ҳал этиш;
- Юзага келиши мумкин бўлган табиий ва техноген хусусиятли фавқулодда вазиятлар оқибатларини бартараф этишда ФВДТ хизматларининг ҳамкорликдаги ҳаракатларини такомиллаштириш ҳамда мувофиқлаштириш.
Изоҳ (0)