Turkiya sanoatchilar va tadbirkorlar mustaqil assotsiatsiyasi (MUSIAD) Shonliurfa shahrida tashkillagan Osiyo davlatlari savdo va iqtisodiy vakoltaxonalari mintaqaviy yig‘ilishida O‘zbekiston elchixonasi xodimlari ham ishtirok etdi. Bu haqda “Jahon” xabar bermoqda.
Mazkur tadbir doirasida O‘zbekistonda amalga oshirilayotgan islohotlarga bag‘ishlangan brifing o‘tkazildi. Elchixona vakillari Shonliurfadagi sanoat zonalarida bo‘ldi, qishloq xo‘jaligi va to‘qimachilik korxonalari faoliyati bilan tanishdi.
Shuningdek, elchixona xodimlari assotsiatsiya rahbariyati bilan muzokaralar olib bordi. Ularning yakuni bo‘yicha O‘zbekistonda MUSIAD vakolatxonasini ochish masalasini birgalikda ishlab chiqishga kelishildi.
Ma’lumot uchun, mazkur tashkilot 1990-yilda tuzilgan bo‘lib, 11 mingdan ortiq a’zosi bor. Assotsiatsiya Turkiyada 86 ta filial, dunyoning 68 davlatida 181 vakolatxonaga ega.
Izoh (0)