Fanlar Akademiyasining Navoiy viloyat bo‘limi qishloq tumanlarida bir qator istiqbolli loyihalarni amalga oshirmoqda. Bu haqda “Xalq so‘zi” xabar berdi.
Karmana tumanida muvaffaqiyatli sinovdan o‘tgan g‘o‘zaning “Porloq-2” navi shulardan biridir. Konimex tumanida faoliyati yo‘lga qo‘yilgan ilmiy-amaliy stansiya esa mayda shoxli mollarni qishki mavsumda oziqlantirish, yaylovlar samaradorligini oshirish muammolari bilan shug‘ullanmoqda.
Bundan tashqari, 10 ta hududda har biri yuz gektarlik ekoqo‘riqxonalar tashkil etish rejasi ishlab chiqilib, tasdiqlandi. Mazkur qo‘riqxonalarda saksovul va cho‘lning issiq-sovug‘iga chidamli ozuqabop o‘simliklar ekilib, yozda undan asalarichilar, qishda esa chorvadorlar foydalanadi.
Shuningdek, organoma’danli o‘g‘itlar yaratish loyihasi ham ma’qullandi. Unga ko‘ra, Qizilqum fosforitlari bazasida mahalliy o‘g‘itning yangi turini tayyorlash yo‘lga qo‘yilmoqda.
Ayni kunlarda esa “Serhosil” biologik o‘g‘iti ustida ish olib borilmoqda. Mazkur o‘g‘it bilan o‘simliklar barglari orqali oziqlantiriladi.
Izoh (0)