14-fevral kuni Qozog‘istonning O‘zbekistondagi elchixonasining yangi binosida 2018-yilning 10-yanvar kuni e’lon qilingan Nursulton Nazarboyevning qozoq xalqiga murojaatnomasi muhokamasiga bag‘ishlangan matbuot anjumani bo‘lib o‘tdi.
Anjumanda davlat va jamoat arboblari, ekspertlar va ommaviy axborot vositalari xodimlari ishtirok etdi.
Qozog‘istonning O‘zbekistondagi elchisi Yerik Utembayev tadbir ishtirokchilarini Qozog‘istonda o‘tkazilayotgan islohotlar ko‘lami va ahamiyati, O‘zbekiston va Qozog‘iston o‘rtasidagi o‘zaro hamkorlik aloqalarida erishilgan muvaffaqiyatlar bilan tanishtirdi.
Tadbirda shuningdek, MTRK raisi Alisher Xo‘jayev, Xalqaro pres klub raisi Sherzod Qudratxo‘jayev, Oliy Majlis Qonunchilik palatasi spikeri o‘rinbosari Boriy Alixonovlar nutq so‘zladi.
Ma’lumot uchun, Qozog‘istonning O‘zbekistondagi elchixonasi yangi binosi 2013-yilda qurilgan. Binoning tantanali ochilish marosimi 2013-yilning 14-iyun kuni Nursulton Nazarboyevning O‘zbekistondagi tashrifi doirasida bo‘lib o‘tgan edi. Ammo, elchixona shu vaqtga qadar eski binosida faoliyat yuritib kelayotgan edi. Matbuot anjumani doirasida elchixona yangi binoda ish boshlashi munosabati bilan uning yana bir ramziy ochilish marosimi ham o‘tkazildi.
Izoh (0)