10-fevral, shanba kuni Hindistonning Jammu va Kashmir shtatidagi armiya lageriga jangarilar tomonidan uyushtirilgan hujum oqibatida kamida bir nafar harbiy xizmatchi halok bo‘ldi va yana yetti kishi jarohat oldi. Ular orasida harbiylar oilasining a’zosi bo‘lgan ikki nafar ayol va ikki nafar bolakay bor. Bu haqda India Today nashriga tayanib, “TASS” xabar berdi.
Ma’lumotlarga ko‘ra, “Jaish-e-Muhammad” tashkilotining qurollangan jangarilar guruhi Sunjavan hududida joylashgan lagerga kechasi hujum qilib, harbiylarga qarata o‘t ochgan va granatalarni otgan.
Ayni vaqtda harbiylar terrorchilarni qidirish bilan shug‘ullanmoqda. Bu jangarilarning 2018-yilda Jammu va Kashmir shtatida amalga oshirgan birinchi jiddiy hujumi hisoblanadi.
“Jaish-e-Muhammad” (“Muhammad lashkari”) terrorchilik tashkiloti Kashmirda, asosan Pokiston tasarrufida bo‘lgan hududda joylashgan. Mahalliy OAVlarning ma’lumotlariga ko‘ra, mazkur tashkilot “Al-Qoida” bilan mustahkam aloqa o‘rnatgan.
Izoh (0)