Isroil harbiylari 10-fevral, shanbaga o‘tar kechasi Suriya havo maydoni orqali mamlakat hududiga kirgan Eronga tegishli uchuvchisiz boshqariladigan qurilmani “tutib oldi” va bunga javoban Eronning qo‘shni mamlakatdagi nishonlariga hujum uyushtirdi. Bu haqda Isroil armiyasining matbuot xizmatiga tayanib, “RIA Novosti” xabar berdi.
Harbiylarning qo‘shimcha qilishicha, Suriya Havo hujumidan mudofaa qilish kuchlari Isroil samolyotlariga qarata bir nechta zenit raketalarini uchirgan.
“Harbiy vertolyot Suriyadan uchirilgan va Isroil havo maydoniga kirgan Eronga tegishli uchuvchisiz boshqariladigan qurilmani muvaffaqiyatli ‘tutib oldi’… Bunga javoban Isroil mudofaa armiyasi Eronning Suriyadagi nishonlariga hujum uyushtirdi”, — deyiladi xabarda.
Izoh (0)