2018-yilning yanvarida O‘zbekistonga Rossiya nefti importi 24,9 ming tonnani tashkil qildi, deb yozadi “Spot.uz”.
2017-yilda O‘zbekiston Rossiyadan 68,2 ming tonna neft sotib olgan edi. Xususan, noyabrda O‘zbekistonga 30 ming tonna, dekabrda — 38,2 ming tonna neft yetkazib berilgan.
O‘zbekiston va Rossiya 2017-yilning 5-aprelida O‘zbekistonga 500 ming tonna Rossiya neftini yetkazish haqidagi memorandumni imzolagan edi.
“Transneft” vitse-prezidenti Sergey Andronov O‘zbekistonga 500 ming tonna neftni yetkazib berishda “Rosneft”, “Gazprom neft”, “Lukoyl” va “Russneft” ishtirok eta olishini aytgandi.
Avvalroq “Transneft” rasmiy vakili Igor Demin kompaniya 2017-yil dekabrida O‘zbekistonga 50 ming tonna neft yetkazib berishni rejalashtirayotganini aytgan edi. Demin gap hozircha sinov tariqasidagi yetkazib berishlar haqida borayotganini aniqlik kiritgandi.
Izoh (0)