Avstraliyalik ayol Mari Krabtri ikki farzandini o‘ldirganlikda va yana bir farzandini xo‘rlaganlikda ayblandi, deb yozadi The Australian.
Avvalroq politsiya Krabtrining 18 yoshli qizi va 26 yoshli o‘g‘lining o‘limini o‘z joniga qasd qilish deb baholagan edi. Ammo tergov chog‘ida ona sug‘urta to‘lovlarini olish uchun ularni ataylab o‘ldirgani ma’lum bo‘ldi. Qizining o‘limi uchun u qariyb 600 ming dollarni qo‘lga kiritgan, o‘g‘li uchun esa yana 300 ming dollarga yaqin to‘lov olishni rejalashtirgan.
Marining o‘g‘li 2017-yil yozida og‘riq qoldiruvchi dori dozasini oshirib yuborishdan vafot etgan edi. 2011-yilda esa ayol qiziga dorilarning o‘lim keltiruvchi dozasini berib, o‘zi oilaning qolgan a’zolari bilan birga dengi sayohatiga ketgan. Qizni o‘lik holatda uydan do‘stlari topib olgan.
Shuningdek, Krabtri ikkinchi qiziga shafqatsiz munosabatda bo‘lganlikda ayblanmoqda. Bundan tashqari, 2015-yil martida amalga oshirilgan firibgarlik va qurolli o‘g‘rilik jinoyatlarida gumonlanmoqda.
Izoh (0)