Qatar shayxi BAAda kuch bilan tutib turilganini e’lon qildi

Qatar shayxi Abdulla bin Ali al-Taniy video e’lon qilib, uni Birlashgan Arab Amirliklarida kuch bilan ushlab turishganini e’lon qildi, deb yozadi “Interfaks”.

BAAdagilar ayblovlarni rad etmoqda. Abu-Dabi ta’lim va ekstremizmga qarshi kurashish departamenti rahbari Ali Rashid al-Nuaymiy Twitter’da shayx istagan joyiga ketishi mumkinligini yozdi.

Shayxning so‘zlariga ko‘ra, uni Abu-Dabi amirligi valiahd shahzodasi Shayx Muhammad ushlab turibdi, mehmonning taqdiri uchun “barcha javobgarlik aynan uning zimmasida”. Uning aniqlik kiritishicha, u asirlikda emas, lekin harakatlanishi cheklangan. Murojaatdan asosiy maqsad — al-Taniyning boshiga keladigan ehtimoliy ko‘ngilsizliklar aybdorini ma’lum qilish.

Abdulla bin Ali al-Taniy o‘tgan yili sakkizta arab mamlakati Qatar bilan munosabatlarni uzishi bilan bog‘liq diplomatik inqiroz chog‘ida Saudiya Arabistoni bilan muzokaralarda vositachilik qilgan edi.