O‘tgan yili Qoraqalpog‘istondagi hokimiyatlar veb-saytlari reytingini e’lon qilib borgan “KRuz.uz” nashri bu safar endi 2017-yil yakunlari bo‘yicha tuzilgan reytingni taqdim etdi.
10-15. Beruniy tumani (beruniy.rk.uz)
10-15. Ellikqal’a tumani (ellikqala.rk.uz)
10-15. Kegayli (kegeyli.rk.uz)
10-15. Qo‘ng‘irot (qongirot.rk.uz)
10-15. Mo‘ynoq (muynaq.rk.uz)
10-15. Nukus tumani (nukus.rk.uz)
Yuqoridagi 6 ta tuman hokimligining rasmiy saytlariga o‘tgan yil davomida tuman hayotiga oid birorta ham yangilik joylashtirilmagan. Ellikqal’a tumaniga yangi hokim tayinlangach, hokimiyatning “ellikqala.uz” sayti Yoshlar ittifoqi tuman Kengashiga o‘tdi. Shu tariqa bu tuman ham autsayder tuman hokimiyatlari saytiga aylangan.
9. Qorao‘zak tumani (qoraozak.rk.uz)
Qorao‘zak tumani hokimiyatining saytiga o‘tgan yili atigi bitta yangilik joylashtirilgan.
8. Xo‘jayli tumani (xodjeyli.rk.uz)
Xo‘jayli tumani hokimligi rasmiy saytiga 2017-yilda 3 ta yangilik joylashtirilgan. O‘rtacha har 4 oyga bittadan yangilik to‘g‘ri keladi. Eslatib o‘tamiz, bu tumanda o‘tgan yil davomida ikki marta hokim almashdi.
7. To‘rtko‘l tumani (turtkulhokim.uz)
To‘rtko‘l tumani hokimiyati sayti 2018-yildan boshlab, butunlay o‘zgargan. Yangi hokim Ne’matulla Xudaybergenovning “imzo”si bilinmoqda. 2017-yil oxirida yangi sayt ham biroz bo‘lsada ko‘zga tashlanib turgan.
6. Taxtako‘pir tumani (taxtakopir.rk.uz)
Taxtako‘pir tumani sayti yil davomida bir tempni ushlab turmadi. Onda-sonda saytda tuman yangiliklari e’lon qilingan.
5. Nukus shahri (nukuscity.rk.uz)
Nukus shahrida hokim o‘zgargach, hokimiyatning sayti “uyg‘ondi”. Hokimlik sayti noyabr—dekabr oylarida Qoraqalpog‘iston axborot agentligi tomonidan e’lon qilingan xabarlar bilan “kun kechirgan”.
4. Sho‘monoy tumani (shomanay.rk.uz)
Bahodir Yangiboyev hokimlik qilayotgan Sho‘monoy tumanida o‘tgan yilda katta o‘zgarishlar bo‘ldi va buni bevosita hokimlik sayti orqali ham kuzatish mumkin.
3. Chimboy tumani (shimbay.rk.uz)
To‘g‘risini aytganda Sho‘monoy va Chimboy tumanlari hokimlik saytlari deyarli bir xil ishlagan. Biroq ozgina ustunlik baribir Chimboyda va shu bois ham ular kuchli uchlikdan o‘rin olgan.
2. Amudaryo tumani (amudarya.uz)
Amudaryo tumani hokimligi rasmiy sayti mavzularga yondashish bo‘yicha yaqqol yetakchi bo‘ldi. Biroq hokimlik sayti yil davomida bir xil tempni ushlab qola bilmagan. Biroq tuman saytlari orasida eng yaxshi dizayn va mazmunli sayt bo‘yicha ular shak-shubhasiz birinchi bo‘lgan.
1. Qonliko‘l tumani (qonlikol.rk.uz)
Yilning eng faol tuman hokimlik sayti bu Qonliko‘l bo‘ldi. Ushbu tuman hokimligi sayti deyarli har kuni tuman hayotida ro‘y bergan voqea-hodisalar haqida ma’lumot berib borgan.
Izoh (0)