Ўтган йили Қорақалпоғистондаги ҳокимиятлар веб-сайтлари рейтингини эълон қилиб борган «KRuz.uz» нашри бу сафар энди 2017 йил якунлари бўйича тузилган рейтингни тақдим этди.
10-15. Беруний тумани (beruniy.rk.uz)
10-15. Элликқалъа тумани (ellikqala.rk.uz)
10-15. Кегайли (kegeyli.rk.uz)
10-15. Қўнғирот (qongirot.rk.uz)
10-15. Мўйноқ (muynaq.rk.uz)
10-15. Нукус тумани (nukus.rk.uz)
Юқоридаги 6 та туман ҳокимлигининг расмий сайтларига ўтган йил давомида туман ҳаётига оид бирорта ҳам янгилик жойлаштирилмаган. Элликқалъа туманига янги ҳоким тайинлангач, ҳокимиятнинг «ellikqala.uz» сайти Ёшлар иттифоқи туман Кенгашига ўтди. Шу тариқа бу туман ҳам аутсайдер туман ҳокимиятлари сайтига айланган.
9. Қораўзак тумани (qoraozak.rk.uz)
Қораўзак тумани ҳокимиятининг сайтига ўтган йили атиги битта янгилик жойлаштирилган.
8. Хўжайли тумани (xodjeyli.rk.uz)
Хўжайли тумани ҳокимлиги расмий сайтига 2017 йилда 3 та янгилик жойлаштирилган. Ўртача ҳар 4 ойга биттадан янгилик тўғри келади. Эслатиб ўтамиз, бу туманда ўтган йил давомида икки марта ҳоким алмашди.
7. Тўрткўл тумани (turtkulhokim.uz)
Тўрткўл тумани ҳокимияти сайти 2018 йилдан бошлаб, бутунлай ўзгарган. Янги ҳоким Неъматулла Худайбергеновнинг «имзо»си билинмоқда. 2017 йил охирида янги сайт ҳам бироз бўлсада кўзга ташланиб турган.
6. Тахтакўпир тумани (taxtakopir.rk.uz)
Тахтакўпир тумани сайти йил давомида бир темпни ушлаб турмади. Онда-сонда сайтда туман янгиликлари эълон қилинган.
5. Нукус шаҳри (nukuscity.rk.uz)
Нукус шаҳрида ҳоким ўзгаргач, ҳокимиятнинг сайти «уйғонди». Ҳокимлик сайти ноябрь—декабрь ойларида Қорақалпоғистон ахборот агентлиги томонидан эълон қилинган хабарлар билан «кун кечирган».
4. Шўмоной тумани (shomanay.rk.uz)
Баҳодир Янгибоев ҳокимлик қилаётган Шўмоной туманида ўтган йилда катта ўзгаришлар бўлди ва буни бевосита ҳокимлик сайти орқали ҳам кузатиш мумкин.
3. Чимбой тумани (shimbay.rk.uz)
Тўғрисини айтганда Шўмоной ва Чимбой туманлари ҳокимлик сайтлари деярли бир хил ишлаган. Бироқ озгина устунлик барибир Чимбойда ва шу боис ҳам улар кучли учликдан ўрин олган.
2. Амударё тумани (amudarya.uz)
Амударё тумани ҳокимлиги расмий сайти мавзуларга ёндашиш бўйича яққол етакчи бўлди. Бироқ ҳокимлик сайти йил давомида бир хил темпни ушлаб қола билмаган. Бироқ туман сайтлари орасида энг яхши дизайн ва мазмунли сайт бўйича улар шак-шубҳасиз биринчи бўлган.
1. Қонликўл тумани (qonlikol.rk.uz)
Йилнинг энг фаол туман ҳокимлик сайти бу Қонликўл бўлди. Ушбу туман ҳокимлиги сайти деярли ҳар куни туман ҳаётида рўй берган воқеа-ҳодисалар ҳақида маълумот бериб борган.
Изоҳ (0)