Tunis aholisi hukumatning narxlar va soliqlar oshirilishini ko‘zda tutuvchi inqirozga qarshi choralariga qarshi norozilik bildirmoqda. Bu haqda “Korrespondent.net” xabar berdi.
Yirik norozilik aksiyalari mamlakatning 5 shahri, jumladan, poytaxtda bo‘lib o‘tdi. Ayrim namoyishlar politsiya bilan to‘qnashuvlarga aylanib ketdi.
Oxirgi sutka davomida namoyishchilardan 328 nafari qo‘lga olindi. Maxsus xizmatlarning 21 nafar xodimi yaralandi, 10 ta transport vositasi shikastlandi.
Oldinroq 237 kishi ushlangani, 50 nafarga yaqin politsiyachi jabrlangani bildirilgandi. Tinch aholi orasida jabrlanganlar soni haqida hozircha aniq ma’lumot yo‘q.
Izoh (0)