O‘zbekistonda huquq, moliya, ta’lim, tibbiyot sohasining yetakchi mutaxassislari ishtirok etadigan “Buyuk Kelajak” ekspertlar kengashi shakllana boshladi, deb xabar berdi UzDaily.
Ekspert kengashiga O‘zbekistondan tashqarida bo‘lgan, xalqaro kompaniyalarda o‘z faoliyatini amalga oshiruvchi e’tirof etilgan mutaxassislar kiradi.
“Buyuk Kelajak” ekspertlar kengashining asosiy maqsadi O‘zbekistonning 2035-yilgacha bo‘lgan taraqqiyot modelini yaratishdan iborat. Ushbu model eng yaxshi xalqaro tajribaga, O‘zbekiston bozorlarining tahliliga, eng muhimi O‘zbekistondan bo‘lgan dunyodagi yetakchi mutaxassislar tajribasiga tayangan holda quriladi.
Eslatib o‘tamiz, O‘zbekistonning 2017—2021-yillarga mo‘ljallangan taraqqiyot strategiyasi beshta ustuvor yo‘nalishni o‘z ichiga oladi: tashqi siyosat, davlat boshqaruvini modernizatsiya qilish, sud-huquq tizimi, iqtisodni liberallashtirish, ijtimoiy sektordagi islohotlar.
Shunday qilib, O‘zbekistonning 2035-yilgacha bo‘lgan taraqqiyot strategiyasi mamlakat hukumati tomonidan ma’qullangan yo‘nalish va prinsiplarga asoslangan bo‘ladi.
Izoh (0)