Ўзбекистонда ҳуқуқ, молия, таълим, тиббиёт соҳасининг етакчи мутахассислари иштирок этадиган «Буюк Келажак» экспертлар кенгаши шакллана бошлади, деб хабар берди UzDaily.
Эксперт кенгашига Ўзбекистондан ташқарида бўлган, халқаро компанияларда ўз фаолиятини амалга оширувчи эътироф этилган мутахассислар киради.
«Буюк Келажак» экспертлар кенгашининг асосий мақсади Ўзбекистоннинг 2035 йилгача бўлган тараққиёт моделини яратишдан иборат. Ушбу модель энг яхши халқаро тажрибага, Ўзбекистон бозорларининг таҳлилига, энг муҳими Ўзбекистондан бўлган дунёдаги етакчи мутахассислар тажрибасига таянган ҳолда қурилади.
Эслатиб ўтамиз, Ўзбекистоннинг 2017—2021 йилларга мўлжалланган тараққиёт стратегияси бешта устувор йўналишни ўз ичига олади: ташқи сиёсат, давлат бошқарувини модернизация қилиш, суд-ҳуқуқ тизими, иқтисодни либераллаштириш, ижтимоий сектордаги ислоҳотлар.
Шундай қилиб, Ўзбекистоннинг 2035 йилгача бўлган тараққиёт стратегияси мамлакат ҳукумати томонидан маъқулланган йўналиш ва принципларга асосланган бўлади.
Изоҳ (0)