Angliya Liga Kubogi. “Chelsi” va “Arsenal” mavsumdagi o‘zaro o‘yinlarning uchinchisida ham g‘olibni aniqlay olmadi

Futbol bo‘yicha Angliya Liga Kubogining yarim finalidan joy olgan ikkinchi uchrashuv ham bo‘lib o‘tdi.

London derbisi doirasida “Stemford Brij”ga tashrif buyurgan “Arsenal”, 0:0 hisobiga rozi bo‘ldi. Shu tariqa tomonlar finalga yo‘llanma oluvchi klub nomiga takroriy o‘yinda oydinlik kiritadigan bo‘ldi.

Yarim finalning javob o‘yinida “Arsenal” 24-yanvar kuni “Chelsi”ni qabul qiladi. “Bristol Siti” hamda “Manchester Siti” o‘rtasidagi javob o‘yini esa 23-yanvarga tayin qilingan.

“Arsenal” va “Chelsi” shu mavsumning o‘zida uch bor to‘qnash kelishdi va ularning har uchalasida ham g‘olibni aniqlab bo‘lmadi — 0:0, 2:2, 0:0. “Chelsi” maydonidagi har ikki o‘yinda ham golsiz duranglar qayd etildi.

“Yunayted”ga chiqish eshiklarini ko‘rsatib qo‘ygan “Bristol Siti”, Gvardiola jamoasini ham hayrat ko‘chasiga yetakladi

“Manchester Siti” — “Bristol Siti” 2:1

“Chelsi” — “Arsenal” 0:0