Futbol bo‘yicha Osiyo Chempionlar Ligasining final uchrashuvining javob o‘yini bo‘lib o‘tdi. Dastlabki o‘yinga Ar-Riyod shahri mezbonlik qilgan edi. Birinchi uchrashuvda “Urava Red” hamda “Al-Hilol” 1:1 hisobidagi durangga rozi bo‘lgan edi.
Ravshan Ermatov brigadasi boshqarib borgan Yaponiyadagi o‘yinning birinchi bo‘limi golsiz yakunlandi. O‘yinning ikkinchi bo‘limida “Al-Hilol” o‘yinchisi Salim al-Dosari 6 daqiqa ichida 2 ta sariq kartochka olib, maydonni tark etdi.
Chetlatishdan o‘n daqiqa o‘tib, 88-daqiqada Rafael Silva raqib darvozasini ishg‘ol qildi. E’tiborli tomoni Silva final uchrashuvining dastlabki bahsida ham gol urgan edi. Bahs oxirida raqibiga umuman imkoniyat qoldirmagan Yaponiya klubi Osiyo Chempionlar ligasining 2017-yil mavsumidagi chempioniga aylandi.
Osiyo Chempionlar Ligasi
FINAL
25-noyabr, shanba
“Urava Red” (Yaponiya) — “Al-Hilol” (Saudiya) 1:0
Gollar: Rafael Silva, 88 (1:0).Chetlatish: Salim al-Dosari, 78.
Izoh (0)