AQSh 2017-yili har biridan ko‘rilgan zarar 1 milliard dollardan oshgan 16 ta yirik tabiiy ofatni boshidan kechirdi. Bu haqda “RBK” xabar bermoqda.
Okeanlar va atmosferani tadqiq etish milliy boshqarmasiga (NOAA) ko‘ra, to‘fon, toshqin, qurg‘oqchilik va yirik o‘rmon yong‘inlaridan ko‘rilgan umumiy zarar 306 milliard dollarni tashkil etdi.
Birgina “Xarvi” to‘fonidan ko‘rilgan zarar 125 milliard dollardan oshdi, “Mariya” va “Irma” to‘fonlari tegishlicha 90 va 50 milliard dollarga tushdi.
“Xarvi” vayronkorligi bo‘yicha AQSh tarixida “Katrina”dan (2005-yil) keyingi ikkinchi o‘ringa chiqdi, “Mariya” esa uchinchi o‘rinni egalladi.
Izoh (0)