Qashqadaryo viloyatida Fuqarolarning o‘zini o‘zi boshqarish organlari faoliyatini muvofiqlashtirish bo‘yicha Viloyat kengashi boshqaruvining 2017-yil yakunlariga bag‘ishlangan kengaytirilgan yig‘ilishi bo‘lib o‘tdi. Bu haqda kengash Kengash vakillari “Daryo”ga ma’lum qildi.
Tadbirda Respublika kengashi raisining yoshlar ishlari bo‘yicha o‘rinosari Azimjon Mirzajonov, viloyat, tuman, shahar kengashlari boshqaruvi raislari va mas’ul xodimlari ishtirok etgan. Tahliliy-tanqidiy ruhda o‘tgan mazkur yig‘ilishda tizimda amalga oshirilgan ishlar sarhisob qilindi.
Qayd etishlaricha, viloyatdagi mahallalarda diniy-ekstremistik oqim toifasiga mansubligi aniqlanib, profilaktik hisobga olingan 1 361 nafar fuqaro va ularning oila a’zolari bilan 6,5 mingga yaqin profilaktik suhbatlar o‘tkazilgan. Ushbu suhbatlarga jami 2,6 mingdan ziyod imom-xatiblar, noiblar, diniy soha vakillari hamda fuqarolar yig‘inlari xodimlari biriktirilgan.
O‘z navbatida, diniy-ekstremistik oqim toifasiga mansub 594 nafar shaxs ro‘yxatdan chiqarilgan.
Bundan tashqari, mahallalar, maktab va kollejlarda ichki ishlar, prokuratura, xalq ta’limi, “Yoshlar ittifoqi” va mahalla fuqarolar yig‘inlari bilan hamkorlikda “Voyaga yetmaganlar o‘rtasida nazoratsizlik va huquqbuzarliklarning profilaktikasi to‘g‘risida”gi qonuni ijrosiga qaratilgan 6 mingga yaqin davra suhbatlarida 32 mingdan ziyod voyaga yetmaganlar va yoshlar qatnashgan.
Ayni vaqtda, voyaga yetmaganlar o‘rtasida turli huquqbuzarlik va jinoyatchilikning oldini olish, ularning bo‘sh vaqtlarini mazmunli o‘tkazishga qaratilgan 3,5 mingdan ortiq turli ma’naviy ma’rifiy va sport tadbirlari 17 mingdan ziyod voyaga yetmaganlar ishtiroki etgan.
Izoh (0)