Қашқадарё вилоятида Фуқароларнинг ўзини ўзи бошқариш органлари фаолиятини мувофиқлаштириш бўйича Вилоят кенгаши бошқарувининг 2017 йил якунларига бағишланган кенгайтирилган йиғилиши бўлиб ўтди. Бу ҳақда кенгаш Кенгаш вакиллари «Дарё»га маълум қилди.
Тадбирда Республика кенгаши раисининг ёшлар ишлари бўйича ўриносари Азимжон Мирзажонов, вилоят, туман, шаҳар кенгашлари бошқаруви раислари ва масъул ходимлари иштирок этган. Таҳлилий-танқидий руҳда ўтган мазкур йиғилишда тизимда амалга оширилган ишлар сарҳисоб қилинди.
Қайд этишларича, вилоятдаги маҳаллаларда диний-экстремистик оқим тоифасига мансублиги аниқланиб, профилактик ҳисобга олинган 1 361 нафар фуқаро ва уларнинг оила аъзолари билан 6,5 мингга яқин профилактик суҳбатлар ўтказилган. Ушбу суҳбатларга жами 2,6 мингдан зиёд имом-хатиблар, ноиблар, диний соҳа вакиллари ҳамда фуқаролар йиғинлари ходимлари бириктирилган.
Ўз навбатида, диний-экстремистик оқим тоифасига мансуб 594 нафар шахс рўйхатдан чиқарилган.
Бундан ташқари, маҳаллалар, мактаб ва коллежларда ички ишлар, прокуратура, халқ таълими, «Ёшлар иттифоқи» ва маҳалла фуқаролар йиғинлари билан ҳамкорликда «Вояга етмаганлар ўртасида назоратсизлик ва ҳуқуқбузарликларнинг профилактикаси тўғрисида»ги қонуни ижросига қаратилган 6 мингга яқин давра суҳбатларида 32 мингдан зиёд вояга етмаганлар ва ёшлар қатнашган.
Айни вақтда, вояга етмаганлар ўртасида турли ҳуқуқбузарлик ва жиноятчиликнинг олдини олиш, уларнинг бўш вақтларини мазмунли ўтказишга қаратилган 3,5 мингдан ортиқ турли маънавий маърифий ва спорт тадбирлари 17 мингдан зиёд вояга етмаганлар иштироки этган.
Изоҳ (0)