O‘zbekiston Prezidenti Shavkat Mirziyoyev 5-yanvar kuni xalq deputatlari Toshkent viloyati Kengashida qatnashib, nutq bilan chiqish qilgan edi.
Xabar berishlaricha, Prezident sessiya davomida qo‘shni Tojikiston bilan munosabatlar haqida to‘xtalib o‘tgan.
Shavkat Mirziyoyevning ma’lum qilishicha, Tojikiston bilan temiryo‘l qatnovlarini qayta tiklash, shuningdek, elektr energiya uzatishni ochishga ham kelishib olingan.
Avvalroq O‘zbekiston bosh vaziri Abdulla Aripov 10—11-yanvar kunlari Tojikistonda tashrif bilan bo‘lishi, Tojikiston prezidenti Emomali Rahmon va bosh vaziri Qohir Rasulzoda bilan uchrashishi haqida xabar berilgan edi.
Ma’lumot uchun, 2017-yil bahorida, 25 yillik tanaffusdan so‘ng, O‘zbekiston va Tojikiston o‘rtasidagi muntazam aviaqatnovlar qayta tiklangan edi.
Izoh (0)