Rossiya prezidenti matbuot kotibi Dmitriy Peskov Vladimir Putinning ota-onasi qaysi cherkovlarda cho‘qintirilganligi haqidagi bahslarga nuqta qo‘ydi, deb yozadi “TASS”.
Avvalroq prezident Peterburgdagi Simeonovskiy cherkovida Rojdestvo ibodatida qatnashgan edi. Cherkovning 1911-yilga tegishli hujjatlari ko‘chirmalariga muvofiq, ushbu cherkovda Putinning otasi cho‘qintirilgan. Ammo 2011-yilda Putin bosh vazir sifatida Tver viloyati Turginovo qishlog‘idagi cherkovda Rojdestvo ibodatida qatnashganida OAVlar Putinning ota-onasi aynan o‘sha yerda cho‘qintirilganini yozgan edi.
“Bu yerda hech qanday bir-biriga teskari ma’lumotlar yo‘q, — dedi Peskov. — Tver viloyatida Putinning onasi Mariya Ivanovnani, Peterburgdagi cherkovda esa uning otasi Vladimir Spiridonovichni cho‘qintirishgan”.
Izoh (0)