“Levante”ga qarshi o‘yinda Lionel Messi o‘zining La Liga doirasidagi 400-uchrashuvini o‘tkazdi.
“Barselona” bilan 2 marta durang o‘ynagan “Selta”, Madridning “Real” klubini ham 2 ochkodan mosuvo qildi
Shu kuni Messi o‘zining Ispaniya chempionatidagi 365-golini urishga muvaffaq bo‘ldi. Bu ishi bilan argentinalik hujumchi kuchli beshlik milliy chempionatlari doirasida gol urish bo‘yicha afsonaviy Gerd Myullerning rekordini takrorladi. O‘z vaqtida “Bavariya” sharafini himoya qilgan Myuller Bundesligada aynan 365 ta gol urishning uddasidan chiqa olgandi.
Bu yo‘lda nemis futbolchisi uchun 427 ta o‘yin kerak bo‘lgan. Messi esa 400 ta o‘yindayoq rekordni takrorladi. Kelasi turlardan boshlab futbochli uni yangilash yo‘lida mehnat qiladi.
Messi “Barselona”ning rasmiy o‘yinlarida eng ko‘p gol urgan futbolchi hisoblanadi. Uning hisobida hozircha jami 527 ta aniq zarba bor.
Izoh (0)