Amerikadagi hayvonot bog‘ida gepard birdaniga 8 ta gepardchani dunyoga keltirdi

Amerikaning Sent-Luis shahrida joylashgan hayvonot bog‘ida urg‘ochi gepard birdaniga sakkizta gepardchani dunyoga keltirdi. Bu esa tutqunlikda yashaydigan gepardlar uchun rekord natija, deb xabar beradi “RIA Novosti”.

Qayd etilishicha, odatda gepardlar birdaniga 3—4 tagacha bolalashi mumkin. Bu safar esa uchta erkak, beshta urg‘ochi gepardchalar dunyoga keldi.

Aslida bu hodisa noyabr oyida yuz bergan edi. Hayvonot bog‘i ma’muriyati bu haqda endi ma’lum qildi.

Gepard va uning bolalari o‘zini yaxshi his qilmoqda. Hayvonot bog‘iga tashrif buyuruvchilar ularni bir necha oydan so‘nggina ko‘rishi mumkin bo‘ladi.

https://twitter.com/twitter/statuses/948644346890506241