Dubayda Yangi yil kechasi eng katta ko‘lamli lazerli shou bo‘yicha jahon rekordi o‘rnatildi — uni tomosha qilish uchun o‘n minglab odam yig‘ildi, deb yozadi “RIA Novosti”.
Bu Yangi yilda Light Up 2018 shousi birinchi marta dunyodagi eng baland imorat — Burj Xalifa minorasi yaqinidagi an’anaviy mushakbozlik o‘rnini bosdi. Unda 2018-yil kirib kelishiga bir necha soniya qolganida teskari sanoq boshlandi, so‘ng esa tomoshabinlar taxminan yetti daqiqa davomida minoraning o‘zida, osmono‘par binolarda, taniqli raqs tushuvchi favvoralarda musiqa hamohangligidagi lazerli proyeksiyalarni kuzatdi.
Rekord Ginnes rekordlari kitobiga “bitta binoda aks ettirilgan eng katta ko‘lamli lazerli va ovozli shou” sifatida kiradi. Proyeksiyaning ko‘lami 109 ming kvadrat metrni tashkil qildi.
Izoh (0)