Xitoy armiyasi raketa qo‘shinlari maxfiy tarzda gipertovushli glayder bilan jihozlangan yangi ballistik raketa sinovlarini o‘tkazdi. Bu haqda AQSh hukumatidagi manba ma’lum qildi, deb xabar beradi The Diplomat.
AQSh razvedkasi ma’lumotlariga ko‘ra, 1 va 15-noyabr kuni sinovdan o‘tkazilgan DF-17 o‘rta uzoqlikdagi raketalari 1,8 mingdan 2,5 ming kilometrgacha masofada harakatlanadi.
Ular yadroli va yadrosiz qurilmalar, jumladan, manyovr qiladigan snaryad yoki gipertovushli uchuvchi apparat — glayderni yetkazishga qodir.
Manbaga ko‘ra, birinchi sinov davomida glayder bir necha metr aniqlik bilan nishonga borib yetdi. Raketadan ajralgandan so‘ng qurilma 11 daqiqa davomida 60 kilometr balandlikda 1400 kilometrni bosib o‘tdi.
Izoh (0)