Хитой армияси ракета қўшинлари махфий тарзда гипертовушли глайдер билан жиҳозланган янги баллистик ракета синовларини ўтказди. Бу ҳақда АҚШ ҳукуматидаги манба маълум қилди, деб хабар беради The Diplomat.
АҚШ разведкаси маълумотларига кўра, 1 ва 15 ноябрь куни синовдан ўтказилган DF-17 ўрта узоқликдаги ракеталари 1,8 мингдан 2,5 минг километргача масофада ҳаракатланади.
Улар ядроли ва ядросиз қурилмалар, жумладан, манёвр қиладиган снаряд ёки гипертовушли учувчи аппарат — глайдерни етказишга қодир.
Манбага кўра, биринчи синов давомида глайдер бир неча метр аниқлик билан нишонга бориб етди. Ракетадан ажралгандан сўнг қурилма 11 дақиқа давомида 60 километр баландликда 1400 километрни босиб ўтди.
Изоҳ (0)