Nyu-York, San-Fransisko va Filadelfiya shaharlari Virjiniya shtati federal sudiga AQSh mudofaa vazirligiga qarshi da’vo kiritdi. Bu haqda “Korrespondent.net” xabar bermoqda.
Da’vo mazmuni qurolga egalik qilish man etilgan ko‘plab harbiy xizmatchilar FQB milliy tekshiruv tizimiga kiritilmagani bilan bog‘liq. Bu joriy yil 5-noyabrda mamlakat harbiy-havo kuchlari sobiq uchuvchisi Devin Kelliga vintovka xarid qilib, Texasning Sazerlend-Springs shahridagi cherkovda 26 kishini o‘ldirishiga imkon bergandi.
“Pentagonning bu xatosi ko‘plab begunoh insonlar umriga zomin bo‘ldi”, — ta’kidladi Nyu-York meri Bill de Blazio.
Izoh (0)