Amerika hukumati KXDRga nisbatan sanksiyalar ro‘yxatini kengaytirdi, deb yozadi “Vedomosti”. Cheklovlar Koreya Mehnat partiyasining ikki vakiliga nisbatan Shimoliy Koreya ballistik dasturiga aloqadorligi uchun kiritildi.
Bunda gap KXDR harbiy sanoat vazirligining ikki nafar oliy mansabli amaldori — Kim Chon Sik va Li Pen Cho haqida bormoqda.
Vazirlikka qarshi 2010-yildayoq sanksiyalar kiritilgan edi. AQSh moliya vazirligi xabarida aytilishicha, Kim Chon Sik KXDRda ballistik dasturni rivojlantirish, xususan, “raketalarni suyuqdan quyuq yoqilg‘iga o‘tkazish” uchun javobgar. O‘z navbatida, Li Pen Cho qit’alararo ballistik raketalar dasturini ishlab chiqish uchun mas’ul.
Izoh (0)