“Tembin” tayfuni Filippindan Tailand tomonga harakatlanmoqda

Filippinda 200 dan ortiq odamning umriga zomin bo‘lgan “Tembin” tayfuni Tailandning janubiy provinsiyalari tomon harakatlanmoqda. Bu haqda qirollikning meteorologiya departamentiga tayanib, “TASS” xabar berdi.

Taxminlarga ko‘ra, mamlakat janubida havo harorati seshanba va chorshanba kunlari yomon bo‘lishi kutilmoqda, ammo tayfun quruqlik tomon harakatlanayotgani sabab, u tropik to‘fonga aylanishi mumkin. “Tailand janubida kuchli yomg‘irlar bo‘lishi kutilmoqda. Asosiy zarbani Prachuapkxirikxan, Chumpxon, Surattxani provinsiyalari qabul qilib oladi”, — deyiladi xabarda.

Ushbu hududlarda bir nechata kurortlar joylashgan, jumladan, Xuaxun va Samui oroli ham ular tarkibida. Ob-havo bashoratlariga ko‘ra, tropik to‘fon turistlar orasida mashhur bo‘lgan Pattaya va Pxuketga zarar yetkazmaydi.