BMT Bosh assambleyasi 1961-yili xalqaro tashkilotning ikkinchi bosh kotibi Dag Xammarshyold halok bo‘lishi tafsilotlarini qayta tekshirish uchun ovoz berdi. Bu haqda “TASS” xabar bermoqda.
Fojianing navbatdagi tekshiruvini o‘tkazgan ekspertlar guruhi rahbari Muhammad Usmon Xammarshyoldning samolyoti urib tushirilgan bo‘lishi mumkinligi haqidagi hisobotni taqdim etdi. Unda Usmon ilk bor Qo‘shma Shtatlardan olingan ma’lumotlarni keltirdi va boshqa davlatlarda ham BMT ikkinchi kotibi o‘limiga doir maxfiy ma’lumotlar bo‘lishi mumkinligini bildirdi.
Xammarshyold va uning 15 nafar hamrohi 1961-yil 18-sentyabrga o‘tar kechasi Ndola yaqinida (hozirgi Zambiya hududi) ro‘y bergan aviahalokat oqibatida o‘lgandi. U mazkur provinsiyadagi ayirmachilar yetakchisi Katanga Moiz Chombeni hukumat bilan sulh tuzishga ko‘ndirish uchun muzokaralarga yo‘l olgandi.
Uzoq vaqt mobaynida aviahalokat sababining asosiy boisi sifatida uchuvchi hatosi ko‘rsatib kelingan, biroq aslida Xammarshyoldning o‘limiga qator davlatlar maxsus xizmatlari aloqador bo‘lgani ham taxmin qilingandi.
Izoh (0)