БМТ Бош ассамблеяси 1961 йили халқаро ташкилотнинг иккинчи бош котиби Даг Хаммаршёльд ҳалок бўлиши тафсилотларини қайта текшириш учун овоз берди. Бу ҳақда «ТАСС» хабар бермоқда.
Фожианинг навбатдаги текширувини ўтказган экспертлар гуруҳи раҳбари Муҳаммад Усмон Хаммаршёлднинг самолёти уриб туширилган бўлиши мумкинлиги ҳақидаги ҳисоботни тақдим этди. Унда Усмон илк бор Қўшма Штатлардан олинган маълумотларни келтирди ва бошқа давлатларда ҳам БМТ иккинчи котиби ўлимига доир махфий маълумотлар бўлиши мумкинлигини билдирди.
Хаммаршёлд ва унинг 15 нафар ҳамроҳи 1961 йил 18-сентябрга ўтар кечаси Ндола яқинида (ҳозирги Замбия ҳудуди) рўй берган авиаҳалокат оқибатида ўлганди. У мазкур провинциядаги айирмачилар етакчиси Катанга Моиз Чомбени ҳукумат билан сулҳ тузишга кўндириш учун музокараларга йўл олганди.
Узоқ вақт мобайнида авиаҳалокат сабабининг асосий боиси сифатида учувчи ҳатоси кўрсатиб келинган, бироқ аслида Хаммаршёльднинг ўлимига қатор давлатлар махсус хизматлари алоқадор бўлгани ҳам тахмин қилинганди.
Изоҳ (0)