Avstraliyalik Margaret Smit Facebook’dagi sahifasida shosse o‘rtasida ikki koalaning olishayotgani aks etgan videoni e’lon qildi. Bu haqda “Korrespondent.net” xabar bermoqda.
Hodisa mamlakat janubidagi Adelaida shahri yaqinida yuz bergan. Rolik muallifining so‘zlariga ko‘ra, jonivorlarning olishuvi tufayli avtomobil yo‘lida tirbandlik yuzaga kelgan.
Haydovchilar avtomobil signali orqali koalalarni haydashga harakat qilgan, biroq ular signalga e’tibor bermagan.
Oxir-oqibat olishib charchagan jonivorlar yo‘lning qatnov qismini tark etgan. Olishuv aks etgan video Facebook’da 17 milliondan ko‘proq marta tomosha qilingan.
Izoh (0)