Австралиялик Маргарет Смит Facebook’даги саҳифасида шоссе ўртасида икки коаланинг олишаётгани акс этган видеони эълон қилди. Бу ҳақда «Корреспондент.net» хабар бермоқда.
Ҳодиса мамлакат жанубидаги Аделаида шаҳри яқинида юз берган. Ролик муаллифининг сўзларига кўра, жониворларнинг олишуви туфайли автомобиль йўлида тирбандлик юзага келган.
Ҳайдовчилар автомобиль сигнали орқали коалаларни ҳайдашга ҳаракат қилган, бироқ улар сигналга эътибор бермаган.
Охир-оқибат олишиб чарчаган жониворлар йўлнинг қатнов қисмини тарк этган. Олишув акс этган видео Facebook’да 17 миллиондан кўпроқ марта томоша қилинган.
Изоҳ (0)