Har yili qish-bahor mavsumida meva va sabzavot mahsulotlari narxining oshishi saqlash quvvatlari tanqisligi bilan bog‘liq. Bu haqda O‘zbekiston Oliy Majlis Senatining 13-yalpi majlisida Bosh vazir o‘rinbosari, Qishloq va suv xo‘jaligi vaziri Zoyir Mirzayev ma’lum qildi, deb yozadi “Gazeta.uz”.
Uning so‘zlariga ko‘ra, dekabrning ikkinchi yarmidan boshlab maygacha kuzatiladigan oziq-ovqat mahsulotlari narxining ko‘tarilishi ozqi-ovqat mahsulotlari saqlanadigan omborxona obyektlari yetishmasligi natijasidir.
“Omborxonalarning sig‘imi hosilning bor-yo‘g‘i 4,5 foizini saqlash imkonini beradi. Atigi 430 mingta omborxona bor, ularda 472 ta muzxona kameralari bor. Bizning hisob-kitoblarimizga ko‘ra, 12 ta shaharda va 47 ta tumanda omborxonalar yo‘q. Toshkentning o‘zida 92 ming tonna mahsulotni saqlash uchun omborlar yetishmaydi”, — dedi Bosh vazir o‘rinbosari.
Muhim qishloq xo‘jaligi mahsulotlarining barqaror narxini ta’minlash uchun 2018-yilda 111 ming tonna mahsulot uchun qo‘shimcha omborxonalar qurish rejalashtirilmoqda, bu omborxonalar sig‘imini butun hosilning 9,5 foizigacha bo‘lgan qismini saqlashga qodir darajaga yetkazadi.
Izoh (0)