Ҳар йили қиш-баҳор мавсумида мева ва сабзавот маҳсулотлари нархининг ошиши сақлаш қувватлари танқислиги билан боғлиқ. Бу ҳақда Ўзбекистон Олий Мажлис Сенатининг 13-ялпи мажлисида Бош вазир ўринбосари, Қишлоқ ва сув хўжалиги вазири Зойир Мирзаев маълум қилди, деб ёзади «Газета.uz».
Унинг сўзларига кўра, декабрнинг иккинчи ярмидан бошлаб майгача кузатиладиган озиқ-овқат маҳсулотлари нархининг кўтарилиши озқи-овқат маҳсулотлари сақланадиган омборхона объектлари етишмаслиги натижасидир.
«Омборхоналарнинг сиғими ҳосилнинг бор-йўғи 4,5 фоизини сақлаш имконини беради. Атиги 430 мингта омборхона бор, уларда 472 та музхона камералари бор. Бизнинг ҳисоб-китобларимизга кўра, 12 та шаҳарда ва 47 та туманда омборхоналар йўқ. Тошкентнинг ўзида 92 минг тонна маҳсулотни сақлаш учун омборлар етишмайди», — деди Бош вазир ўринбосари.
Муҳим қишлоқ хўжалиги маҳсулотларининг барқарор нархини таъминлаш учун 2018 йилда 111 минг тонна маҳсулот учун қўшимча омборхоналар қуриш режалаштирилмоқда, бу омборхоналар сиғимини бутун ҳосилнинг 9,5 фоизигача бўлган қисмини сақлашга қодир даражага етказади.
Изоҳ (0)