AQSh Kongressi Senati 21-dekabr, payshanba kuni o‘zining Rojdestvo ta’tillaridan oldingi oxirgi yig‘ilishida dovul va o‘rmon yong‘inlaridan jabr ko‘rgan shtat va hududlarga moliyaviy yordam ko‘rsatish to‘g‘risidagi qonun loyihasini ko‘rib chiqmadi. Bu haqda “TASS” xabar bermoqda.
Kongress vakillar palatasi shu kuni mazkur shtatlarga 81 milliard dollar ajratish haqidagi qonun loyihasini qabul qilgandi.
Mazkur mablag‘ Favqulodda vaziyatlar bo‘yicha federal boshqarmasi faoliyatini qo‘shimcha moliyalashtirish, shuningdek, turar joy fondini tiklashga sarflanishi ko‘zda tutilgandi.
Yuqori palata mazkur tashabbusni qo‘llab-quvvatlaganda, federal budjet tomonidan 2017-yilda ushbu maqsadlar uchun ajratilgan umumiy summa 133 milliard dollarga yetgan bo‘lardi.
Senatdagi respublikachilar yetakchisi Mitch Makkonnell senatorlar kelgusi gal 3-yanvarda to‘planishini bildirdi.
Izoh (0)