Janubiy Koreya prezidenti Mun Chje In Chxunchxon-Pukto provinsiyasidagi Chechxon shahriga tashrif buyuradi. Prezident u yerda yong‘in oqibatida jarohat olgan va halok bo‘lganlarning yaqinlari bilan uchrashadi, deb xabar berdi “TASS”.
“Prezident Mun yong‘in sodir bo‘lgan Chechxon shahriga borishni rejalashtirmoqda”, — deydi mamlakat prezidenti ma’muriyatining vakili.
21-dekabr, payshanba kuni kechasi fitnes markazida sodir bo‘lgan yong‘in oqibatida 29 kishi halok bo‘lgan va yana 29 kishi jarohat olgan. Qurbonlarning aksariyatini binoning ikkinchi va uchinchi qavatida joylashgan saunaga tashrif buyurgan fuqarolar tashkil etgan.
Yong‘in avtoturargohdagi mashinalardan birining yonib ketishi natijasida yuzaga kelgan.
Izoh (0)