АҚШ Конгресси Сенати 21 декабрь, пайшанба куни ўзининг Рождество таътилларидан олдинги охирги йиғилишида довул ва ўрмон ёнғинларидан жабр кўрган штат ва ҳудудларга молиявий ёрдам кўрсатиш тўғрисидаги қонун лойиҳасини кўриб чиқмади. Бу ҳақда «ТАСС» хабар бермоқда.
Конгресс вакиллар палатаси шу куни мазкур штатларга 81 миллиард доллар ажратиш ҳақидаги қонун лойиҳасини қабул қилганди.
Мазкур маблағ Фавқулодда вазиятлар бўйича федерал бошқармаси фаолиятини қўшимча молиялаштириш, шунингдек, турар жой фондини тиклашга сарфланиши кўзда тутилганди.
Юқори палата мазкур ташаббусни қўллаб-қувватлаганда, федерал бюджет томонидан 2017 йилда ушбу мақсадлар учун ажратилган умумий сумма 133 миллиард долларга етган бўларди.
Сенатдаги республикачилар етакчиси Митч Макконнелл сенаторлар келгуси гал 3 январда тўпланишини билдирди.
Изоҳ (0)